مدح_خوانی آذری ویژۀ مبعث پیامبر رحمت حضرتِ محمد مصطفی صلوات الله علیه و آله _ حاج مهدی رسولی

بشارت سسی نُه سمادن گلور یئره مژده عرش خدادن گلور خبر خاتم الانبیادن گلور

گلن کیمدی؟ سیر صفادن گلور بابا محمد ّدی_کوه حرادن گلور

نه موسی نه عیسی_نه یونسدی بو دلِ خلق بی یاره مونسدی بو ستاره دیمه_ماه مجلسدی بو گر اُمّی ده اولسا_مدرّسدی بو

که دانشگه لا یُرادن گلور بابا محمد دی کوه حرادن گلور

گلور بت شکن بُتلاری سیندیرا گلور مَحبط وَحیه پرچم وورا قباقنده وار کیمده جرات_دورا ایدور افتخار عرشه_ اُمّ القُرا

صدا مروه دن هم صفادن گلور بابا محمد دی کوه حرادن گلور

ایدور آسمان غبطه_اجلالینه باخور قدسیان منقلب_حالینه چاتوب طالب فیض_آمالینه خلیل، آفرین سویلور_اقبالینه

ایدوب نفسی قربان منادن گلور محمد دی کوه حرادن گلور

قویوب باشه تاج شرف اول سفیر ایدوب حقّ اونی کایناته امیر امین رسالت، بشیرُّ النّذیر بو ارزنده شاهه علی دور وزیر

دوتوب سبقت اهل ولادن گلور محمد دی کوه حرادن گلور

شاعر: استاد کلامی

.